‘E ddoje carezze (A mio padre)

Ce stà ‘nu sentimento dint’ ‘o core
ca sulo quanno o pruove sai che rè
è ‘na carezza, ‘nu gesto d’amore
‘na cosa semplice, dedicato a te.
Passannete ca mano ‘nde capille
‘na lacrima sincera fa cadè
stu figlie, ca cu ll’uocchie brille
pensa: forse sarrà l’urdema pe te.
‘Na carezza a ‘nu figlio è naturale,
pecchè trasmiett’ ‘o bene ca tu siente
fino ‘o punto e nasconnere ‘nu male,
facennele capì ch’ è cosa e niente.
Mo so cuntente, pe chello ca se prova,
pe stu regalo ca ‘nu figlio fà,
peccato ca chell’urdema carezza
o core mio nun sape chi ‘mma fà.